識得我耐既朋友都知道我愛貓愛到癡線。到左一個地步
，我可以為左隻貓跟我以前女朋友鬧過無數次交。因為佢最
中意那種冇性格既動物，叫它行就行企就企轉就轉，仲成日
伸條「利」出呢既動物-----狗。不過以前既野唔好題啦=P
總之…貓係最好既朋友﹗ 下面就係我識得既貓貓…hum…好
掛住佢地添…call 佢地出尼飲野先﹗唔該比杯鮮奶加珍珠﹗

咪咪係我呢加拿大養既第一隻貓，成日咬人
可能以為自己係隻老虎仔(佢D毛色係幾似
架)。 不過成日掛住溝女(冇做切割手術)
，有一日放學返屋企發覺佢走左。仲冇留低
字條添。

花花係我姐夫以前屋企隻貓。真係睇住佢大
，睇住佢...肥﹗ 佢真係好巨型，我家姐叫
佢做「Jurassic 恐龍貓」。一隻好有性格
，好唔好怒皮既貓。 小心!!!

Do Do 係姐夫屋企第二隻貓，生得細粒過花
花，好彩花花冇「蝦」佢...well...唔係成
日「蝦」佢啦，係食曬佢 D 貓餸喳嗎~

GiGi 係花花個妹，佢住響一個我唔識既人
既屋企...不過聽講佢成比呢家人虐待。
(Bubble Girls 其中一條八婆係佢主人!) 

Joshua 係我二家姐個仔，好乖不過家姐返
左工之後就成日一個貓留響屋企，好可憐。
佢最仲意有人陪佢坐響沙發睇電視。

有一日家姐同姐夫去行公園見倒隻白色腳板
既流浪貓，佢一直跟住佢地返屋企。見佢咁
肚餓，就比左以前咪咪剩低既貓餸(未過期)
佢食，食完佢就走左。我地幫佢改左名叫做
「跟叔」。

有一個冬天，我放學行去搭巴士途中，見倒
隻好似花花既流浪貓走到剛轉入停車場既車
低下取暖，有幾次差 D 車親。所以就帶左
佢去 Humane Society。 有份參與拯救行
動既有 Eric, Camila, 我家姐, Humane
既 Staff 同埋 Bell Operator =)